മറ്റം നിത്യ സഹായമാതാ തീര്‍ത്ഥകേന്ദ്രത്തില്‍ തിരുനാള്‍ ഏപ്രിൽ 8,9,10,11


മറ്റം നിത്യസഹായ മാതാവിന്റെ തീര്‍ത്ഥകേന്ദ്രത്തിലെ 78-ാം പ്രതിഷ്ഠാ തിരുനാള്‍ 8,9,10,11 തിയ്യതികളിലായി ആഘോഷിക്കും

 എട്ടിന് വൈകീട്ട് അഞ്ചിന് കുര്‍ബാനക്ക് ഡോ. പോള്‍ പുളിക്കന്‍ കാര്‍മികനാകും. സന്ധ്യക്ക് ദീപാലങ്കാരത്തിന്റെ സ്വിച്ച് ഓണ്‍ ഫാ.സലീഷ് അറങ്ങാശ്ശേരി നിര്‍വ്വഹിക്കും. തുടര്‍ന്ന് സാമ്പിള്‍ വെടിക്കെട്ടാണ്. 50 ഓളം വാദ്യ കലാകാരന്മാര്‍ അണിനിരക്കുന്ന തിരുസന്നിധിമേളവും അരങ്ങേറും.
ഒമ്പതിന് വൈകിട്ട് അഞ്ചിന് മാതാവിന് കിരീട സമര്‍പ്പണമാണ്.

മേളത്തിന്റെയും മുത്തുക്കുടയുടെയും അകമ്പടിയോടെ വിശ്വാസികള്‍ കിരീട സമര്‍പ്പണം നടത്തും. പിന്നീട് തിരുനാള്‍ ഊട്ട് ആശിര്‍വാദം. തുടര്‍ന്ന് നടക്കുന്ന കുര്‍ബാനയ്ക്ക് തൃശ്ശൂര്‍ അതിരൂപത വികാരി ജനറല്‍ മോണ്‍. ജോര്‍ജ്ജ് കോമ്പാറ മുഖ്യ കാര്‍മികത്വം വഹിക്കും. ഫാ. ജോണ്‍ മുളക്കല്‍, ഫാ. ഫെബിന്‍ കുത്തൂര്‍ എന്നിവര്‍ സഹ കാര്‍മികരാകും. വെടിക്കെട്ട്, തേര് മത്സരം, മെഗാ ബാന്‍ഡ് മേളം എന്നിവയും ഉണ്ടാവും. രാത്രി 10.30ന് യൂണിറ്റുകളില്‍നിന്നുള്ള കിരീട എഴുന്നള്ളിപ്പ് സമാപിക്കും.

തിരുനാളിന്റെ ഭാഗമായി 25,000 പേര്‍ക്കാണ് ഊട്ട്. ജീവകാരുണ്യ പദ്ധതിയുടെ ഭാഗമായി 50,000 രൂപ ഡയാലിസിസ് രോഗികള്‍ക്കായും 50,000 രൂപ മറ്റു രോഗികള്‍ക്കായും വിതരണം ചെയ്യും.

പത്തിന് ആഘോഷമായ തിരുനാള്‍ കുര്‍ബാനക്ക് ഫാ.വില്‍സണ്‍ പിടിയത്ത് കാര്‍മികനാകും. ഫാ. ഷാജന്‍ തേര്‍മഠം തിരുനാള്‍ സന്ദേശം നല്‍കും. വൈകിട്ട് 6.30ന് ഇടക പള്ളിയില്‍നിന്ന് തീര്‍ത്ഥകേന്ദ്രത്തിലേക്ക് ആഘോഷമായ കിരീടം എഴുന്നള്ളിപ്പാണ്. രാത്രി ഒമ്പതിന് കിരീടം എഴുന്നള്ളിപ്പിന് സമാപനമാകും. തുടര്‍ന്ന് വെടിക്കെട്ടും നടക്കും.


വികാരി ഫാ. ഡേവിസ് പനം കുളം
അസി. വികാരി ഫാ. സലീഷ് അറങ്ങാശ്ശേരി

[warning title="തിരുനാൾ  പരിപാടികൾ" icon="info-circle"] തിരുനാൾ   പരിപാടികൾ (പിഡിഫ് ഡൌൺലോഡ് ) [/warning]