വിശുദ്ധ കൊച്ചുത്രേസ്യയുടെ തിരുനാൾ ഇന്ന്

പാവറട്ടി സെന്റ് തോമസ് ആശ്രമദേവാലയത്തിൽ വിശുദ്ധ കൊച്ചുത്രേസ്യയുടെ തിരുനാൾ ഇന്നു ആഘോഷിക്കും. രാവിലെ 6.30നു ദിവ്യബലി, 10നു ആഘോഷമായ തിരുനാൾ ഗാനപൂജക്ക് ഫാ. ഫിലിപ്പ് പനക്കൽ മുഖ്യകാർമികത്വം വഹിക്കും.

ഫാ. വിൻസന്റ് കുണ്ടുകുളം തിരുനാൾ സന്ദേശം നൽകും. തിരുനാൾ ദിവ്യബലിയെ തുടർന്ന് ലദീഞ്ഞ്, നൊവേന, പ്രദക്ഷിണം, തിരുശേഷിപ്പ് വന്ദനം എന്നിവ നടക്കും. തിരുനാൾ തിരുക്കർമ്മങ്ങൾക്ക് ആശ്രമാധിപൻ ഫാ. ജോസഫ് ആലപ്പാട്ട് നേതൃത്വം നൽകും. രാത്രി 6.30നു വിവിധ കലാപരിപാടികളും അരങ്ങേറും. ഇന്നലെ രാത്രി വിവിധ കുടുംബ കൂട്ടായ്മകളിൽനിന്നുള്ള വള എഴുന്നള്ളിപ്പുകൾ വാദ്യമേളങ്ങളുടെ അകമ്പടിയോടെ ദേവാലയത്തിലെത്തി സമാപിച്ചു.