കാക്കശ്ശേരി പള്ളിയില്‍ തിരുനാള്‍

പാവറട്ടി കാക്കശ്ശേരി സെന്റ് മേരീസ് പള്ളിയില്‍ അമലോത്ഭവമാതാവിന്റെ തിരുനാള്‍ ആഘോഷിച്ചു.
തിരുനാള്‍ പാട്ടുകുര്‍ബാനയ്ക്ക് ഫാ. ജെയ്‌സണ്‍ വടക്കേത്തല കാര്‍മ്മികനായി. ഫാ. ദേവസ്സി പന്തല്ലൂക്കാരന്‍ സന്ദേശം നല്‍കി. തിരുനാള്‍ പ്രദക്ഷിണം ഭക്തിനിര്‍ഭരമായി. നേര്‍ച്ച ഊട്ടില്‍ നിരവധി വിശ്വാസികള്‍ പങ്കെടുത്തു.
വൈകിട്ട് ഫാന്‍സി വെടിക്കെട്ട്, കിരീടം എഴുന്നള്ളിപ്പ്, കിരീടസമര്‍പ്പണ സമാപനം എന്നിവ നടന്നു. പാവറട്ടി തീര്‍ത്ഥകേന്ദ്രം വികാരി ഫാ. ജോണ്‍സണ്‍ അരിമ്പൂര്‍, അസി. വികാരി. ഫാ. ടോണി വാഴപ്പിള്ളി, സി.പി. ജെയിംസ്, സി.എ. ദേവസ്സി, സി.സി. ജോസ് എന്നിവര്‍ നേതൃത്വം നല്‍കി.