പെരിങ്ങാട് ദേവാലയത്തില്‍ തിരുനാള്‍ ഇന്ന്‌

പാവറട്ടി: പെരിങ്ങാട് സെന്റ് തോമസ് ദേവാലയത്തില്‍ മാര്‍തോമ്മാശ്ലീഹായുടെയും വി. അല്‍ഫോണ്‍സാമ്മയുടെയും സംയുക്ത തിരുനാള്‍ ഞായറാഴ്ച ആഘോഷിക്കും. ശനിയാഴ്ച നടന്ന കൂടുതുറക്കല്‍ ശുശ്രൂഷ ഭക്തിസാന്ദ്രമായി.

തുടര്‍ന്ന് തിരുസ്വരൂപങ്ങള്‍ എഴുന്നള്ളിച്ചു. ഫാ. പോള്‍ പയ്യപ്പിള്ളി മുഖ്യകാര്‍മികനായി. തിരുനാള്‍ ദിവസമായ ഞായറാഴ്ച രാവിലെ 10.30ന് ആഘോഷമായ തിരുനാള്‍ പാട്ടുകുര്‍ബാനയ്ക്ക് ഫാ. ഷൈജോ പാറമേല്‍ കാര്‍മികനാകും.

തുടര്‍ന്ന് നൊവേന, തിരുനാള്‍ പ്രദക്ഷിണം, തിരുശേഷിപ്പ് വണക്കം, വൈകിട്ട് അഞ്ചിന് വി. കുര്‍ബാന, ആറിന് പെരിങ്ങാട് കാത്തലിക് അസോസിയേഷന്റെ അവാര്‍ഡ്ദാനവും കലാസന്ധ്യയും അരങ്ങേറും.