പാവറട്ടി തീര്‍ത്ഥകേന്ദ്രം വെടിക്കെട്ടിന് അനുമതി നല്‍കണമെന്ന്‌

 പാവറട്ടി തീര്‍ത്ഥകേന്ദ്രത്തിലെ തിരുനാള്‍ വെടിക്കെട്ടിന് അനുമതി നല്‍കണമെന്ന് പാവറട്ടി തീര്‍ത്ഥകേന്ദ്രം വെടിക്കെട്ട് കമ്മിറ്റി ആവശ്യപ്പെട്ടു. 141-ാം തിരുനാളിന്റെ വെടിക്കെട്ട് അനുമതിയ്ക്കുവേണ്ടിയുള്ള പ്രവര്‍ത്തനം സംയുക്ത വെടിക്കെട്ട് കമ്മിറ്റിയുടെ നേതൃത്വത്തില്‍ ആരംഭിച്ചു.
കഴിഞ്ഞവര്‍ഷം തൃശ്ശൂര്‍ പൂരക്കമ്മിറ്റികളുടെകൂടെ പാവറട്ടി തീര്‍ത്ഥകേന്ദ്ര വെടിക്കെട്ടുകമ്മിറ്റിയും സമരപരിപാടികകളില്‍ പങ്കെടുത്തിരുന്നു. എന്നാല്‍ തീര്‍ത്ഥകേന്ദ്രത്തില്‍ വെടിക്കെട്ട് നടത്താന്‍ അവസാനനിമിഷം അനുമതി ലഭിച്ചില്ല.
വെടിക്കെട്ട് അനുമതിയ്ക്കുവേണ്ടി സമരപരിപാടികളുമായി മുന്നോട്ടുപോകുമെന്ന് കമ്മിറ്റി അറിയിച്ചു. തീര്‍ത്ഥകേന്ദ്രം വികാരി ഫാ. ജോണ്‍സണ്‍ അരിമ്പൂര്‍, കമ്മിറ്റി ഭാരവാഹികളായ കെ.എഫ്. ലാന്‍സണ്‍, ഒ.എഫ്. ഡൊമിനി, എന്‍.ജെ. ലിയോ, സുബിരാജ് തോമസ് എന്നിവര്‍ പ്രസംഗിച്ചു.