ആശ്വാസകിരണ്‍ വെന്റിലേറ്റര്‍ സമര്‍പ്പിച്ചു

പാവറട്ടി  വി. യൗസേപ്പിതാവിന്റെ തീര്‍ത്ഥകേന്ദ്രത്തില്‍ ആശ്വാസകിരണ്‍ പദ്ധതിയുടെ ഡയാലിസിസ് വെന്റിലേറ്ററിന്റെ സ്വിച്ച് ഓണ്‍ കര്‍മം മുരളി പെരുനെല്ലി എം.എല്‍.എ. നിര്‍വഹിച്ചു. തീര്‍ത്ഥകേന്ദ്രം വികാരി ഫാ. ജോണ്‍സണ്‍ അരിമ്പൂര്‍ ആശീര്‍വദിച്ചു.

തീര്‍ത്ഥകേന്ദ്രത്തിനു കീഴിലുള്ള സാന്‍ജോസ് ആസ്​പത്രിയിലാണ് സൗജന്യ ഡയാലിസിസ് വെന്റിലേറ്റര്‍ സംവിധാനം ഒരുക്കിയിട്ടുള്ളത്.

ഖത്തര്‍ പോപ്പുലര്‍ ഗ്രൂപ്പ് എം.ഡി. പി.എ. ലതേഷാണ് വെന്റിലേറ്റര്‍ യന്ത്രം സമര്‍പ്പിച്ചത്. ആശ്വാസകിരണ്‍ കോ-ഓര്‍ഡിനേറ്റര്‍ കെ.ജെ. ജെയിംസ്, ട്രസ്റ്റിമാരായ ഇ.ജെ.ടി. ദാസ്, സി.പി. തോമസ്, ആസ്​പത്രി മേട്രന്‍-സിസ്റ്റര്‍ അനീറ്റ, ബോര്‍ഡ് അംഗങ്ങളായ വി.ഒ. സണ്ണി, എന്‍.ജെ. ഡേവിസ്, ജോസഫ് തരകന്‍ എന്നിവര്‍ പ്രസംഗിച്ചു.