Report: Raphy Neelamkavil

രാവിലെ ദേവാലത്തിലെ തിരുക്കര്‍മ്മള്‍ക്ക് ശേഷം ചുണ്ടില്‍ ചെറു പുഞ്ചിരിയുമായി കൃഷിയിടത്തിലേക്ക് പണിയ്ക്കിറങ്ങുന്ന ഇടയന്‍, പാവറട്ടി പളളി തിരുമുറ്റത്ത് കണ്ണിന് കണി ക്കാഴ്ചയായി നില്‍ക്കുന്ന അസാധാരണ മനുഷ്യന്‍ തീര്‍ത്ഥകേന്ദ്രം വികാരി ഫാ.ജോണ്‍സണ്‍ അരിമ്പൂര്‍ തന്നെയാണ്. ഇടവകവികാരിയുടെ ഒരു അടയാളവും ആ മുഖത്ത് കാണാന്‍ കഴിയില്ല, പകരം പരിസ്ഥിതിയുടെ വലിയ ആത്മീയത ദര്‍ശിക്കാനാവും.

പരിസ്ഥിതി ചിന്തകളും പരിപാടികളും ആണ്ടുവട്ടത്തിലെ ജൂണ്‍ അഞ്ചിലൊ തുക്കി നിര്‍ത്താതെ, എന്നും പിന്‍തുടരേണ്ട ഒരു ചര്യയാക്കി മാറ്റി ശുശ്രൂഷ യുടെ പുതിയൊരു മുഖം പകര്‍ന്നു തന്നു ജോണ്‍സനച്ചന്‍.

അമിട്ടും ഗുണ്ടും പൊട്ടിവിരി ഞ്ഞമണ്ണില്‍ കൂര്‍ക്കയും കയ്പയു മൊക്കെ പൊട്ടിത്തഴയ്ക്കുമ്പോള്‍ ഓര്‍മ്മയില്‍ വിരിയുന്ന ഹരിതാഭചിന്തകള്‍ ഏറെയാണ്. 

സൂര്യപ്രകാശത്തിന്‍റെ സഹായത്തോടെ കാര്‍ബണ്‍ഡൈ ഓക്സൈഡ് വലി ച്ചെടുത്ത് പച്ചിലകള്‍ ആഹാരം ഉണ്ടാക്കുമെന്ന് പഠിപ്പിച്ചത് പളളി ക്കൂടത്തിലെ അദ്ധ്യാപകരാണ്. മാത്രമല്ല, സസ്യങ്ങള്‍ നമുക്ക് വേണ്ട ഓക്സിജന്‍ പുറത്ത് വിടുകയും ചെയ്യുമത്രെ! എത്രയോ നിഷ്കളങ്കമായി അന്ന് വിശ്വസിച്ച ആ കാര്യങ്ങള്‍ നമ്മള്‍ക്കെപ്പോഴാണ് കൈമോശം വന്നത്? 

ഒന്നാം ക്ലാസ്സിലെ വേദപാഠക്ലാസ്സില്‍ ആദ്യപാഠം ഏദന്‍ തോട്ടത്തെക്കുറിച്ചാണ്. സന്തോഷവും സൗഭാഗ്യവുമെല്ലാം നിമിഷ സുഖത്തിന് വേണ്ടി അടിയറവ് പറഞ്ഞ മനുഷ്യന്‍റെ കഥ വേദനയോടെയാണ് ഗുരു മുഖത്തുനിന്നും നമ്മള്‍ അനുഭ വിച്ചറി ഞ്ഞത്. എല്ലാം ഉണ്ടാ യിട്ടും എല്ലാം നഷ്ടപ്പെടുത്തുന്ന അവിവേകം. നാലാം ക്ലാസ്സില്‍ ഭക്ഷ്യശൃംഘലയില്‍ ആദ്യത്തെ കണ്ണി സസ്യമാണെന്ന് നാം പഠിച്ചതല്ലേ? പരിസ്ഥിതി ദിനത്തില്‍ സ്കൂളില്‍ നിന്ന് കിട്ടിയ പൂമരത്തൈ നട്ടതും, പൂമരം പൂത്തതും, പൂമര ച്ചോട്ടില്‍ പൂമര ക്കുട്ടികള്‍ ഉണ്ടായതും എല്ലാവരുടേയും മനസ്സില്‍ പൂത്തുലഞ്ഞുനില്‍ ക്കുന്നുമുണ്ട്. വര്‍ഷങ്ങള്‍ക്കുമുന്‍പ് പാവറട്ടി സി.എല്‍.സി. നവതി യാഘോ ഷിച്ചപ്പോള്‍, ആഘോഷത്തിന്‍റെ ഒരു പ്രധാന ഇനം 90 തേക്കിന്‍ തൈ വെച്ച് പിടി പ്പിക്കുക എന്നതായിരുന്നു. പ്രമോട്ടര്‍ ഡോ. ഫ്രാന്‍സീസ് ആലപ്പാട്ടിന്‍റെ നേതൃ ത്വത്തില്‍ നട്ടുപിടിപ്പിച്ച തേക്കിന്‍ തൈ ഇന്നും ഹരിത അടയാളമായി പളളി യുടെ പടിഞ്ഞാറ് നിലനില്‍ക്കുന്നുണ്ട്.

 'പച്ചയായ പുല്‍ത്തകിടിയില്‍ അവിടുന്ന് എനിക്ക് വിശ്രമമരുളുന്നു. പ്രശാന്തമായ ജലാശയത്തിലേക്ക് അവിടുന്ന് എന്നെ നയിക്കുന്നു' എന്ന ഹരിത സങ്കീര്‍ത്തനം ഇന്ന് നാം അറിയാതെ പളളി തിരുമുറ്റത്തുനിന്നും വായിച്ചെ ടുക്കുന്നു.

അതെ, ജോണ്‍സനച്ചന്‍ ഒരു ഓര്‍മ്മപ്പെടുത്തലാണ് നാം ജീവിക്കുന്ന കാലഘട്ടത്തിന്‍റെ വെല്ലു വിളി കള്‍ ക്കൊത്ത വിധത്തില്‍ പരിസ്ഥിതി ശുശ്രൂഷചെയ്യാന്‍ നമുക്ക് ഉത്തരവാദി ത്വമുണ്ടെന്ന ഓര്‍മ്മപ്പെടു ത്തല്‍.

ചാവക്കാട് താലൂക്കാസ്​പത്രിയില്‍ 24 മണിക്കൂറും ഗൈനക്കോളജിസ്റ്റിന്റെ സേവനമുണ്ടായിരിക്കുമെന്ന് സൂപ്രണ്ട് ഡോ.എ.എ. മിനിമോള്‍ പത്രസമ്മേളനത്തില്‍ അറിയിച്ചു.

താലൂക്കാസ്​പത്രിയില്‍ ഇപ്പോള്‍ രണ്ട് ഗൈനക്കോളജിസ്റ്റുകളുടെ സേവനം ലഭിക്കുന്നുണ്ട്. ഗര്‍ഭനിര്‍ണയം മുതല്‍ പ്രസവം വരെയുള്ള എല്ലാ ചികിത്സകളും ടെസ്റ്റുകളും സീസേറിയന്‍ എന്നിവയും സൗജന്യമായാണ് ചെയ്തുകൊടുക്കുന്നത്. ഗര്‍ഭിണികള്‍ക്ക് പ്രസവ ദിവസം മുതല്‍ ആസ്​പത്രി വിടും വരെ സൗജന്യഭക്ഷണവും നല്‍കുന്നു.

ആസ്​പത്രിയില്‍നിന്ന് പോകുമ്പോള്‍ യാത്രാച്ചെലവിനായി 500 രൂപയും നല്‍കുന്നുണ്ടെന്ന് ഡോ. മിനിമോള്‍ അറിയിച്ചു. ജനനീ സുരക്ഷാ യോജന (ജെ.എസ്.വൈ.) പദ്ധതിപ്രകാരം പ്രസവാനുകൂല്യമായി 600 രൂപ വേറെയും നല്‍കുന്നുണ്ട്.

18 വയസ്സുവരെ കുട്ടികള്‍ക്ക് എല്ലാ ചികിത്സയും ടെസ്റ്റുകളും ആരോഗ്യ കിരണം ആര്‍.ബി.എസ്.കെ. പദ്ധതി വഴി സൗജന്യമായി നല്‍കുന്നുണ്ടെന്നും സൂപ്രണ്ട് അറിയിച്ചു. പ്രധാനമന്ത്രി സുരക്ഷിത് മാതൃത്വ അഭിയാന്‍ വഴി എല്ലാ മാസവും ഒമ്പതിന് ഗര്‍ഭിണികള്‍ക്ക് പ്രത്യേകം ക്ലിനിക്കുകള്‍ സൗജന്യമായി സംഘടിപ്പിക്കുന്നുണ്ട്. ഇതില്‍ സ്ത്രീരോഗ വിദഗ്ധരും പങ്കെടുക്കുന്നുണ്ട്.


 വെന്‍മേനാട് എം.എ.എസ്.എം. വൊക്കേഷണല്‍ ഹയര്‍സെക്കന്‍ഡറി സ്‌കൂളില്‍ വിദ്യാര്‍ഥികള്‍ക്ക് എല്‍.ഇ.ഡി. ബള്‍ബ് നിര്‍മാണത്തില്‍ പരിശീലനം നല്‍കി. ഊര്‍ജ സംരക്ഷണം ലക്ഷ്യമിട്ട് എന്‍.എസ്.എസ്., എന്റര്‍പ്രണര്‍ഷിപ്പ് ഡെവലപ്പ്‌മെന്റ് ക്‌ളബ്ബ് എന്നിവരുടെ നേതൃത്വത്തിലായിരുന്നു പരിശീലനം.

വിദ്യാര്‍ഥികള്‍ നിര്‍മിക്കുന്ന ബള്‍ബുകള്‍ അവരുടെ വീടുകളില്‍ത്തന്നെ ഉപയോഗിക്കും. വി.എച്ച്.എസ്.ഇ. വിഭാഗം പ്രിന്‍സിപ്പല്‍ അബ്ദുള്‍സഖാഖ് ഉദ്ഘാടനം ചെയ്തു. അധ്യാപകരായ പി. അബ്ദുള്‍ഖാദര്‍, കെ.വി. ഷൈന്‍, പി.എല്‍. മേരി, ഷൈന, ബീന എന്നിവര്‍ പരിപാടികള്‍ക്ക് നേതൃത്വം നല്‍കി.

അധികൃതരുടെ കണക്കുകൂട്ടല്‍ പാളി. തീരദേശ കുടിവെള്ളപദ്ധതിയിലെ മാറ്റിവെച്ച മോട്ടോര്‍ ഉപയോഗിച്ച് വെള്ളം പമ്പ് ചെയ്യാനായില്ല.


മരുതയൂര്‍ പ്രഥാമികാരോഗ്യകേന്ദ്രവളപ്പിലെ കുടിവെള്ളപദ്ധതിയുടെ മോട്ടോറും പമ്പ് ബോക്‌സുമാണ് കേടായതിനെത്തുടര്‍ന്ന് മാറ്റി പുതിയത് സ്ഥാപിച്ചത്. ജില്ലാ പഞ്ചായത്ത് എന്‍ജിനീയറിങ് വിഭാഗം അധികൃതര്‍ മൂന്ന് എച്ച്.പി.യുടെ മോട്ടോറാണ് മാറ്റിവെച്ചത്.

എന്നാല്‍, ഈ മോട്ടോര്‍ ഉപയോഗിച്ച് കുണ്ടുവക്കടവ് റോഡിലെ ജല അതോറിറ്റിയുടെ ജലസംഭരണിയിലേക്ക് പമ്പ് ചെയ്തപ്പോള്‍ വെള്ളം എത്തിയില്ല. എച്ച്.പി. കുറഞ്ഞ മോട്ടോര്‍ ആയതിനാല്‍ ജലസംഭരണിയിലേക്ക് വെള്ളം കയറുന്നില്ല.

പമ്പ് ചെയ്യുന്നതിന്റെ ശക്തി കുറഞ്ഞതാണ് വെള്ളം കയറാതിരിക്കാന്‍ കാരണമെന്നറിയുന്നു.
നേരത്തെ ഏഴര എച്ച്.പി.യുടെ മോട്ടോറായിരുന്നു ഇവിടെ ഉണ്ടായിരുന്നത്. പ്രാഥമികാരോഗ്യകേന്ദ്രവളപ്പില്‍നിന്ന് കുണ്ടുവക്കടവിലെ ജലസംഭരണിയിലേക്ക് ഏകദേശം 500 മീറ്റര്‍ ദൂരമുണ്ട്. 14ഓളം വളവുകള്‍ തിരിഞ്ഞ് വേണം പൈപ്പുവഴി വെള്ളമെത്താന്‍. ഈ വെള്ളം 24 അടിയിലേറെ ഉയരത്തില്‍ പൊങ്ങിയാണ് ജലസംഭരണി നിറയുന്നത്.ഇതൊന്നും മൂന്ന് എച്ച്.പി.യുടെ മേട്ടോര്‍വെച്ചാല്‍ നടക്കില്ലെന്ന് എസ്റ്റിമേറ്റും ഡിസൈനും തയ്യാറാക്കുമ്പോള്‍ അധികൃതരുടെ ശ്രദ്ധയില്‍പ്പെടുത്തിയിരുന്നു.
ടെന്‍ഡര്‍ എടുക്കാന്‍ ആളില്ലാത്തതിനാല്‍ ഏറെ വൈകിയാണ് കേടായ മോട്ടോര്‍ മാറ്റിയത്. പുതിയ മോട്ടോര്‍ എത്തിയതോടെ ശുദ്ധജലക്ഷാമം മാറുമെന്ന പ്രതീക്ഷയിലായിരുന്നു തീരദേശ നിവാസകള്‍.

പഞ്ചായത്ത് 2016 -17 പദ്ധതിയിലുള്‍പ്പെടുത്തി 64,000 രൂപയാണ് മോട്ടോര്‍ മാറ്റി സ്ഥാപിക്കാന്‍ ചെലവഴിച്ചത്. എച്ച്.പി. കൂടിയ മോട്ടോര്‍ സ്ഥാപിക്കണമെന്ന് പഞ്ചായത്ത് അധികൃതര്‍ ജില്ലാ പഞ്ചായത്ത് എന്‍ജിനീയറിങ് വിഭാഗം അധികൃതരോട് ആവശ്യപ്പെട്ടു.

http://www.mathrubhumi.com

Simon Pavaratty

.
Powered by Blogger.