വെന്‍മേനാട് മഹാവിഷ്ണു ക്ഷേത്രത്തില്‍ ഉത്സവം

വെന്‍മേനാട് മഹാവിഷ്ണു ക്ഷേത്രത്തില്‍ ഉത്സവം തുടങ്ങി. ക്ഷേത്രം മേല്‍ശാന്തി ശശിനമ്പൂതിരി കൊടിയേറ്റു കര്‍മം നടത്തി. ക്ഷേത്രം ഊരാളന്‍ എ.വി. വല്ലഭന്‍ നമ്പൂതിരി നേതൃത്വം നല്‍കി.

കൊടിയേറ്റത്തോടെ ക്ഷേത്രത്തില്‍ വിളക്കുകള്‍ക്ക് തുടക്കമായി. തിങ്കളാഴ്ച രണ്ടാംവിളക്ക്, ചൊവ്വാഴ്ച വലിയ വിളക്ക്, ഉത്സവ ബലി എന്നിവ നടക്കും.

ബുധനാഴ്ച ഗ്രാമപ്രദക്ഷിണം , പള്ളിവേട്ട, എന്നിവ ഉണ്ടാകും. സമാപന ദിവസമായ വ്യാഴാഴ്ച ആറാട്ടിന് ശേഷം ഉത്സവം കൊടിയിറങ്ങും. തുടര്‍ന്ന് ആറാട്ടു കഞ്ഞി വിതരണം , ശിവക്ഷേത്രത്തില്‍ ഉദയാസ്തമന പൂജ എന്നിവ നടക്കും.

ഉത്സവസമാപനം വരെ ക്ഷേത്രത്തില്‍ വിശേഷാല്‍ പൂജകള്‍, കാഴ്ചശ്ശീവേലി , കേളി, തായമ്പക, എഴുന്നള്ളിപ്പ് തുടങ്ങിയവ ചടങ്ങുകള്‍ നടക്കും.