ബസ്സ്റ്റാന്‍ഡ് ശുചീകരിച്ച് പാവറട്ടി പോലീസ്‌


പാവറട്ടി ബസ്സ്റ്റാന്‍ഡ് പരിസരം പാവറട്ടി പോലീസിന്റെ നേതൃത്വത്തില്‍ വൃത്തിയാക്കി. ഗ്രാമപ്പഞ്ചായത്ത്, ബസ്സ്റ്റാന്‍ഡിലെ ഡ്രൈവര്‍മാര്‍ എന്നിവരുടെ സഹകരണത്തോടെയാണ് ശുചീകരണം. സംസ്ഥാന പോലീസ്‌മേധാവിയുടെ നിര്‍ദേശപ്രകാരം പോലീസ്സ്‌റ്റേഷനും പൊതുസ്ഥലവും വൃത്തിയാക്കുന്നതിന്റെ ഭാഗമായിരുന്നു ശുചീകരണം.

മൂന്നുദിവസങ്ങളിയായി നടക്കുന്ന പരിപാടി പാവറട്ടി എസ്.ഐ. എസ്. അരുണ്‍ഷാ ഉദ്ഘാടനം ചെയ്തു. വാര്‍ഡ് അംഗം രവി ചെറട്ടി, എസ്.ഐ. എം.വി. ജയപ്രകാശ്, ജൂനിയര്‍ എസ്.ഐ. അബ്ദുല്‍ ഹക്കീം, പഞ്ചായത്ത് സെക്രട്ടറി എന്‍. രവികുമാര്‍ എന്നിവര്‍ പങ്കെടുത്തു.