ചലച്ചിത്രോത്സവം നാളെ


വിളക്കാട്ടുപാടം ദേവസൂര്യ മൂന്നാമത് ഗ്രാമീണ ചലച്ചിത്രോത്സവം വെള്ളിയാഴ്ച തുടങ്ങും. ജനകീയ ചലച്ചിത്രവേദി, തൃശ്ശൂര്‍ ഐ.എഫ്.എഫ്.ടി. എന്നിവയുടെ സഹകരണത്തോടെയാണ് ചലച്ചിത്രോത്സവം സംഘടിപ്പിക്കുന്നത്.

കെ.വി. അബ്ദുള്‍ ഖാദര്‍ എം.എല്‍.എ. ഉദ്ഘാടനം ചെയ്യും. ഉദ്ഘാടന ചിത്രമായി പതിനൊന്നാം സ്ഥലം എന്ന സിനിമയും രവികലയും ജീവിതവും എന്ന ഡോക്കുമെന്ററി പ്രദര്‍ശനവും ഉണ്ടാകും.

അഞ്ചു ദിവസങ്ങളിലായാണ് ചലച്ചിത്രമേള ഒരുക്കിയിട്ടുള്ളത്. വൈകീട്ട് 6.30-നാണ് പ്രദര്‍ശനം. സമാപന ദിവസമായ ആറിന് ഷോട്ട് ഫിലിം ഡോക്കുമെന്ററി എന്നിവയില്‍ ഏര്‍പ്പെടുത്തിയ ജോണ്‍ എബ്രഹാം പുരസ്‌കാര വിതരണം നടക്കും.

നാലിന് രാവിലെ 10-ന് ദേവസൂര്യ കലാവേദിയുടെ നേതൃത്വത്തില്‍ മധുവിന്റെ കൊലപാതകത്തില്‍ പ്രതിഷേധിച്ച് കാന്‍വാസില്‍ കൈയൊപ്പ് ചാര്‍ത്തും.